Eneo Bitri është futbollisti më i ri që i është bashkuar Egnatias. Lajmi është shpallur nga skuadra kampione përmes një postimi në platformat sociale.
“Egnatia ka kënaqësinë të njoftojë një tjetër përforcim të rëndësishëm për sezonin e ri. Mbrojtësi Eneo Bitri ka kaluar në radhët e skuadrës dhe ka udhëtuar me ekipin drejt Bullgarisë, ku do të zhvillohet faza përgatitore. Me përvojën, aftësitë dhe karakterin e tij, Bitri është këtu për të kontribuar në maksimum dhe për të ndihmuar skuadrën në arritjen e objektivave për këtë sezon”.
