Eralbi Breçani, i shpallur në kërkim nga SPAK për trafikim kokaine nga Amerika Latine në Europë, është ekstraduar nga Spanja.
Top Channel ka zbardhur në mënyrë ekskluzive dosjen e gjerë të SPAK lidhur me grupin kriminal, ku përfshihen përgjime nga aplikacioni ‘Sky’ që kanë çuar në arrestimin e 11 individëve, përfshirë Breçanin.
Sipas dokumenteve të SPAK, Breçani ka nisur aktivitetin e trafikimit dhe besohet se e ka realizuar këtë në të paktën dy raste në bashkëpunim me të tjerë.
Gjithashtu, lidhur me grupet e bisedave në të cilat merr pjesë edhe Ervin Mata, kunati i tij, ekzistojnë dyshime se pjesëmarrësit janë angazhuar për të kryer veprime penale.
SPAK nënvizon se këto dyshime mbështeten në komunikimet e Ervin Matës, ku përmend se ka rënë në duar një sasi prej 240 kg në Frankfurt, duke iu referuar kështu sekuestrimit të bërë nga autoritetet gjermane.
