Seancat e organizuara për dhurimin vullnetar të gjakut janë rritur ndjeshëm në Shkodër. Këto nisma synojnë ndërgjegjësimin e qytetarëve për t’u kthyer në dhurues të rregullt dhe jo thjesht sporadikë.Koordinatoret e Kryqit të Kuq sqarojnë se, ndryshe nga dhuruesit e rastësishëm, dhuruesit e rregullt kalojnë nëpër testime të vazhdueshme mjekësore, gjë që garanton siguri më të lartë si për pacientët, ashtu edhe për vetë shëndetin e dhuruesit.
Me një moto të qartë në mbështetje të personave në nevojë, vullnetarët shkodranë po kthehen në një shtyllë kryesore për sigurimin e rezervave të gjakut në spitale.
