Kryeministri britanik, Keir Starmer, ka paralajmëruar se Rusia mund të nisë një sulm ndaj NATO-s “që në vitin 2030”, duke theksuar angazhimin e Mbretërisë së Bashkuar për të përmirësuar kapacitetet e saj ushtarake për t’u përballur me një skenar të tillë.
“Bazuar në vlerësimet tona të inteligjencës dhe ato të vendeve të tjera anëtare të NATO-s, ekziston mundësia e një sulmi rus ndaj aleancës që në vitin 2030,” deklaroi lideri i Partisë Laburiste gjatë një vizite në një kompani që merret me prodhimin e mbrojtjes.
Starmer po ashtu theksoi se “nuk është një ekzagjerim të thuhet se jemi në periudhën më të rrezikshme dhe të pasigurt të historisë sonë”, duke përmendur se është “përgjegjësi” e qeverisë së tij të “bëhet gati”.
Kjo paralajmërim pasqyron atë të Sekretarit të Përgjithshëm të NATO-s, Mark Rutte, i cili në muajin dhjetor tha se Rusia “mund të jetë gati të përdorë forcën ushtarake ndaj NATO-s brenda pesë vitesh”.
