Kombëtarja shqiptare e ka nisur me ritëm dhe agresivitet miqësoren ndaj Izraelit në “Air Albania”, por në minutën e 10-të ka humbur një mundësi të artë për të kaluar në avantazh.
Pas një aksioni të bukur nga krahu i djathtë, Elseid Hysaj dërgoi një krosim perfekt në zonë për Anis Mehmetin.
Sulmuesi kuqezi u gjend krejtësisht i vetëm përballë portës, por në mënyrë të pabesueshme e dërgoi topin mbi traversë, duke humbur një gol që dukej më i lehtë për t’u shënuar sesa për t’u gabuar.
Rasti shkaktoi habi në tribunat e “Air Albania”, ndërsa Mehmeti nuk arriti të përfitonte nga besimi i trajnerit të ri Rolando Maran, i cili e hodhi titullar në debutimin e tij në stolin kuqezi.
Pavarësisht rastit të humbur, Shqipëria ka treguar iniciativë në minutat e para, duke ushtruar presion të lartë ndaj izraelitëve dhe duke kërkuar golin e avantazhit.
