Pas përplasjes me protestuesit, policia ka ndërhyrë duke përdorur ujë me piper për të shpërndarë turmën dhe për të rikthyer kontrollin e situatës.
Ndërkohë, në terren sipas videos që disponon Boldnews është vënë re një zhvillim i ri: efektivët e policisë janë pajisur me maska kundragaz dhe mjete mbrojtëse shtesë, çka sinjalizon përgatitje për një skenar me përplasje më të forta.
Në pamjet e siguruara, disa efektivë shihen duke mbajtur me vete maska kundragaz, ndërsa forcat e rendit kanë shtuar masat e sigurisë pas tentativës së protestuesve për të depërtuar përtej perimetrit të vendosur nga policia.
Protesta, e cila nisi si kundërshtim ndaj projektit turistik në Zvërnec, u shoqërua me tensione të vazhdueshme mes qytetarëve dhe policisë.
