Aktivisti shkodran Mirsad Basha ka reaguar me ironi për gjendjen e shatërvanit në qytetin e Shkodër, i cili prej kohësh nuk funksionon dhe ka mbetur pa ujë.
Në një postim të tij, Basha shkruan me tone humoristike se shatërvani “nuk është më shatërvan prej kohësh” dhe sugjeron që, në mungesë të ujit, të gjendet një zgjidhje alternative.
“Mqs shatërvani nuk asht ma shatërvan prej kohesh, të paktën të hedhin peshk të kuq, të bajnë nji liqen të vogël me zambake,” shprehet ai me ironi, duke e shoqëruar reagimin edhe me një emoji qesharak.
Reagimi i tij ka ngjallur diskutime në rrjet, duke rikthyer vëmendjen te mirëmbajtja e hapësirave publike në qytet.
