Një pensioniste në Shkodër thotë se është përballur me një problem të papritur, pasi pas 18 vitesh që përfiton pension, të dhënat e saj nuk rezultojnë në sistem.
Sipas denoncimit të bërë publik, ajo është paraqitur pranë Postës në Shkodër për të marrë pensionin, por aty është informuar se duhet të udhëtojë drejt Tiranës për të kryer një verifikim.
Situata ka shqetësuar pensionisten, e cila nuk e kupton përse duhet të shkojë në kryeqytet për të zgjidhur një problem që lidhet me të dhënat e saj, ndërkohë që prej vitesh përfiton pension.
