Shkodra mirëpriti “Gjimnastrada 2026”, një event spektakolar i gjimnastikës që mblodhi rreth 500 sportistë, specialistë dhe amatorë nga shoqatat aderuese në Federatën Shqiptare të Gjimnastikës, si edhe nxënës nga 21 shkolla.
Aktiviteti, i organizuar nga Federata Shqiptare e Gjimnastikës në bashkëpunim me Zyrën Vendore Arsimore Shkodër, solli një atmosferë festive dhe tregoi dashamirësinë në rritje për këtë sport.
Presidenti i Federatës Shqiptare të Gjimnastikës, Leonard Lulaj, theksoi rëndësinë që ka gjimnastika si baza e të gjitha sporteve, duke nënvizuar se “Gjimnastrada” po kthehet tashmë në një traditë.
Nga ana tjetër, Presidenti i KOKSH-it, Fidel Ylli, përgëzoi organizatorët për punën dhe përpjekjet e vazhdueshme në zhvillimin e gjimnastikës në vend.
