Kalaja e Rozafës do të pranojë vizitorët deri në orën 20:00 gjatë këtij sezoni turistik, duke ofruar mundësinë për të përjetuar një nga peizazhet më mahnitëse të Shkodrës.
Drejtoria Rajonale e Trashëgimisë Kulturore në Shkodër njoftoi se zgjatja e orarit të vizitave është vendosur për t’u mundësuar turistëve dhe banorëve që të shijojnë perëndimin e diellit mbi Liqenin e Shkodrës nga Kalaja e Rozafës.
Sipas këtij institucioni, në ato momente kalaja nuk funksionon vetëm si një monument historik, por shndërrohet në një pikë të veçantë panoramike, nga e cila Shkodra shfaqet në gjithë shkëlqimin e saj.
DRTK Shkodër fton të gjithë ata që vizitojnë këtë vend të përjetojnë këtë përvojë, duke e cilësuar si një rast unik që e bën edhe më tërheqëse vizitën në këtë monument simbolik të qytetit.
Njoftimi i plotë i DRTK Shkodër:
Kur vendosëm zgjatjen e orarit të vizitave deri në ⏰️ orën 20:00 këtë sezon, kishim në mendje pikërisht këtë moment: perëndimin e diellit mbi Liqenin e Shkodrës, parë nga Kalaja Rozafa. 🌅 Ka çaste kur kalaja nuk është vetëm një monument historie, por një ballkon i rrallë nga ku Shkodra shfaqet në gjithë bukurinë e saj. E keni përjetuar edhe ju këtë moment magjik?
Kur vendosëm zgjatjen e orarit të vizitave deri në ⏰️ orën 20:00 këtë sezon, kishim në mendje pikërisht këtë moment: perëndimin e diellit mbi Liqenin e Shkodrës, parë nga Kalaja Rozafa. 🌅
Ka çaste kur kalaja nuk është vetëm një monument historie, por një ballkon i rrallë nga ku Shkodra shfaqet në gjithë bukurinë e saj.
E keni përjetuar edhe ju këtë moment magjik?
