Tensionet e shënuara në Kuvendin e Shqipërisë kanë sjellë reagimin e deputetes socialiste të Shkodrës, Xhenis Çela, e cila ka kritikuar sjelljen e opozitës gjatë seancës parlamentare.
Përmes një postimi në rrjetet sociale, Çela e ka cilësuar situatën e krijuar si përsëritje të skenarëve të mëparshëm të përplasjeve në Kuvend.
“Sot në Kuvend, sërish i njëjti skenar: tym, kaos dhe tensione!”, shkruan deputetja socialiste.
Ajo ka vënë në pikëpyetje pretendimin e opozitës për të përfaqësuar qytetarët, duke e akuzuar atë se zgjedh përplasjen në vend të dialogut.
Në përfundim të reagimit, Çela thekson se Kuvendi duhet të jetë hapësirë e debatit dhe e argumenteve, dhe jo e dhunës dhe kaosit.
