Avokati Kujtim Ibraj ka vlerësuar se vrasja e Arlinda Zekajt në Kosovë është tregues i dështimit të institucioneve shtetërore, duke përfshirë gjykatat dhe policinë.

Sipas Ibrajt, autoritetet nuk kanë vënë në zbatim vendimin e gjykatës, ndërsa oficeri i policisë që ishte përgjegjës për çështjen, duhej të ishte arrestuar.

Ai nënvizoi gjithashtu se institucionet kanë lënë Arlinda Zekajn pa mbrojtje, edhe pse ajo kishte marrë kërcënime nga familjarë të ish-bashkëshortit të saj.

Ibraj ka kërkuar nga Prokuroria që të nisë hetime për veprën penale të vrasjes në bashkëpunim ndaj dy vëllezërve të implikuar në këtë ngjarje.

“Është e pafalshme se si është lënë nga shteti e pambrojtur”, u shpreh Ibraj.