Një përplasje mes dy shitësve të biletave për anijet turistike në portin e Vlorës ka degjeneruar në dhunë, duke çuar në plagosjen me thikë të njërit prej tyre.
Burime paraprake bëjnë me dije se gjatë debatit, Edmond Gorishova ka qëlluar me thikë Dhimo Thominin.
Policia ka reaguar menjëherë duke arrestuar të dyshuarin si autor të sulmit. I dëmtuari është dërguar me urgjencë në spital për të marrë trajtimin mjekësor të nevojshëm.
Aktualisht, nuk ka të dhëna të tjera rreth gjendjes shëndetësore të të lënduarit apo detaje të hollësishme mbi shkaqet dhe rrethanat e konfliktit. Grupi hetimor është në punë për të sqaruar ngjarjen.
