Në Velipojë ka nisur faza e dytë e ndërhyrjes për ndriçimin e plotë rrugor në të gjitha rrugët e plazhit.
Falë investimit të financuar nga Fondi Shqiptar i Zhvillimit, të gjitha segmentet do të pajisen me ndriçim modern LED, me eficiencë të lartë energjie dhe standarde më të mira për sigurinë dhe lëvizjen e qytetarëve e pushuesve.
Një pjesë e rrugëve kanë përfunduar tashmë, ndërsa puna vijon intensivisht në zonën e Vilunit, për ta bërë Velipojën gati për sezonin veror me më shumë siguri, ndriçim dhe cilësi shërbimi.
