Pedonalja e Bashkisë Vau i Dejës mirëpriti Panairin e Punës dhe Karrierës, një aktivitet që synon të afrojë punëkërkuesit me bizneset dhe institucionet që ofrojnë mundësi punësimi.
Nisma u organizua nga Këshilli i Qarkut Shkodër, në bashkëpunim me Bashkinë Vau i Dejës, Universitetin e Shkodrës “Luigj Gurakuqi” dhe Agjencinë Kombëtare të Punësimit dhe Aftësive.
Kryetari i Këshillit të Qarkut Shkodër, Edmond Ndou, u shpreh se panairi synon të krijojë më shumë mundësi për punësim dhe orientim profesional, duke u dhënë të rinjve mundësinë të njihen me ofertat konkrete të tregut të punës.
Edmond Ndou – Kryetar i Këshillit të Qarkut Shkodër
Gjatë aktivitetit, pjesëmarrësit patën mundësi të komunikonin drejtpërdrejt me përfaqësues të bizneseve dhe institucioneve, të informoheshin mbi vendet e lira të punës dhe të njiheshin me aftësitë që kërkohen në tregun aktual.
Në aktivitet morën pjesë edhe kryetari i Bashkisë Vau i Dejës, Kristian Shkreli, prefektja e Shkodrës, Holta Duda, rektorja e Universitetit të Shkodrës “Luigj Gurakuqi”, Blerta Dragusha, si dhe kreu i Agjencisë Kombëtare të Punësimit dhe Aftësive, Julian Jana.
Panairi i Punës dhe Karrierës synon të nxisë bashkëpunimin mes institucioneve arsimore, bizneseve dhe punëkërkuesve, duke krijuar më shumë mundësi për integrimin e të rinjve në tregun e punës dhe zhvillimin e tyre profesional.
