Presidenti i Shteteve të Bashkuara, Donald Trump, zotuan sot një reagim të fuqishëm ushtarak pas një vale të re sulmesh raketore të Iranit që synuan forcat amerikane në Lindjen e Mesme.
Gjatë një interviste me “Fox News”, Trump paralajmëroi se Shtetet e Bashkuara do të japin një kundërpërgjigje të ashpër ndaj Iranit dhe theksoi se pasojat do të jenë të rënda.
Komanda Qendrore Amerikane (CENTCOM) bëri të ditur se Irani kishte lëshuar disa raketa balistike në drejtim të pozicioneve amerikane në rajon, pa dhënë hollësi në lidhje me bazat ushtarake që ishin në shënjestër.
Sipas të dhënave të ushtrisë amerikane, të gjitha raketat u neutralizuan me sukses dhe nuk pati as dëme materiale e as të lënduar.
Trump deklaroi se trupat amerikane disponuan vetëm pak minuta për të reaguar ndaj sulmit të papritur, duke përshkruar situatën si jashtëzakonisht të rrezikshme dhe nënvizoi se SHBA-ja nuk ka ndërmend të lejojë sulme të tilla në të ardhmen.
