Klubi i Real Madridit ka dalë me një qëndrim zyrtar pas aksidentit të rëndë hekurudhor që ndodhi në provincën e Toledos, duke shprehur ndjeshmërinë dhe keqardhjen për këtë fatkeqësi që ka prekur të gjithë Spanjën.
Me anë të një deklarate për shtyp, Real Madrid ka shfaqur mbështetjen dhe solidaritetin e tij në lidhje me këtë tragjedi, duke e konsideruar aksidentin si një goditje të rëndë për të gjithë.
“Real Madrid CF dëshiron të shprehë tronditjen e tij më të thellë për aksidentin tragjik hekurudhor që ndodhi në provincën e Toledos”, thuhet në komunikatën e klubit spanjoll. Real Madrid ka shprehur ngushëllimet e tij për familjet e viktimave dhe ka ofruar mbështetje për të plagosurit në këtë aksident të rëndë në Toledo. Klubi gjithashtu ka vlerësuar përpjekjet e ekipeve të emergjencës dhe ka shprehur solidaritet me të gjithë personat e prekur nga kjo ngjarje fatkeqe.
