Një ngjarje tragjike është shënuar pasditen e kësaj të shtune në plazhin e Velipojës, ku një pushues ka humbur jetën teksa ndodhej në det.
Sipas burimeve paraprake, ngjarja ka ndodhur rreth orës 17:00. Dyshohet se personi ka pësuar një problem të menjëhershëm shëndetësor, të mundshëm me origjinë kardiake, pak çaste pasi kishte hyrë në ujë.
Personat e pranishëm në zonë, së bashku me ekipet e emergjencës, kanë ndërhyrë menjëherë për t’i dhënë ndihmën e parë, por fatkeqësisht nuk kanë mundur ta mbajnë në jetë.
Në vendngjarje kanë mbërritur shërbimet e Policisë dhe grupi hetimor, të cilët po kryejnë veprimet procedurale për sqarimin e plotë të rrethanave të ngjarjes dhe identifikimin e viktimës.
Më shumë detaje pritet të bëhen publike nga autoritetet në orët në vijim.
