Një fjalim i angazhuar u dëgjua nga një i ri gjatë protestës para Kryeministrisë, ku ai shprehu me forcë kritikat ndaj kryeministrit Rama. Ai njoftoi se protestat do të vazhdojnë deri në arrestimin e tij dhe të qeverisë që akuzohet për korrupsion.
“Zoti kryeministër, ju keni shpërndarë disa video për të ilustruar protestën si një ngjarje mjedisore. E vërteta është se këtu ka njerëz që mbështesin mjedisin, por gjithashtu ka ata që jetojnë me qira. Ju i keni lënë ata të jetojnë tërë jetën me këtë sistem. Po ashtu, janë të pranishëm edhe të papunët dhe të arsimuarit, të cilët i keni lënë në baltë. Këtu janë fëmijët e vegjël, që plani urbanistik i Tiranës e ka shndërruar qytetin në një burg betoni. Janë edhe mjekët, të cilët ju dëshironi t’i dërgoni në kurset e gjermanishtes, me qëllim që të largohen sa më shpejt. Po ashtu janë pacientët e tyre, të cilët ju dëshironi t’i dërgoni te privatët. Këtu është edhe policia, së cilës ia keni vjedhur tenderat për rrobat dhe këpucët që mbajnë. Kjo protestë nuk ka të bëjë vetëm me mjedisin; të gjithë jemi këtu. Edhe ne, që nuk jemi specialistë, dimë disa gjëra për mjedisin. Por çdo verë e shohim Shqipërinë të përfshirë nga zjarret në të katër anët, ndërsa ju nuk keni gjetur fonde për avionë, duke e zgjidhur situatën me degë peme. E dimë mirë se si janë investuar 4 miliardë dollarë, kur ne paguajmë për naftën më të shtrenjtë në rajon. Ju prisni që temperatura të rritet dhe protestat të shuhet, që Shqipëria të digjet, ndërsa ministrat tuaj të shijojnë pushimet në resorte luksoze. SPAK do të jetë këtu dhe në zyrë, deri në momentin që të gjithë ju të jeni pas hekurave! Nuk ka mundësi, ne do të jemi këtu çdo ditë! Edhe nesër me diasporën. Nesër do të jemi akoma më shumë,” theksoi ai.
