Rihanna ka shtuar një tjetër tatuazh në trupin e saj, por këtë herë ai ka një kuptim tepër personal dhe emocional.
Këngëtarja dhe sipërmarrësja e famshme vendosi të bëjë një tatuazh të krijuar nga vetë fëmijët e saj. Punimi u realizua nga artisti i njohur i tatuazheve Keith McCurdy, i njohur ndryshe si “Bang Bang”, i cili prej vitesh bashkëpunon me yllin e muzikës.
Në postimin që ai ndau në Instagram, shfaqeshin foto dhe video nga momenti i realizimit të tatuazhit të ri të Rihanna-s. Bëhet fjalë për disa shkarravitje të vogla të bëra nga fëmijët e saj me lapsa shumëngjyrësh, të cilat artisti i ka kthyer në një tatuazh minimalist në pjesën e pasme të këmbës, pranë gjurit.
Vizatimi origjinal dukej si një fletë e dekoruar me ngjitëse të animuarash dhe vizatime spontane fëmijësh, gjë që e bën tatuazhin edhe më sentimental për artisten.
Keith McCurdy dhe Rihanna kanë një histori të gjatë bashkëpunimi. Artist i tatuazheve ka realizuar shumë prej punimeve ikonike të saj ndër vite, nga tatuazhet në qafë dhe gishta, deri te ato në shpinë dhe kraharor. Në një dedikim të mëparshëm për ditëlindjen e këngëtares, ai tregoi se bashkëpunimi me të prej më shumë se një dekade i kishte ndryshuar jetën.
Aktualisht, Rihanna është nënë e tre fëmijëve, djemve RZA Athelston Mayers dhe Riot Rose Mayers, si dhe vajzës së vogël Rocki Mayers.
Së fundmi, çifti ishte në qendër të vëmendjes edhe gjatë Met Gala 2026, ku u shfaqën si zakonisht me shumë stil dhe vonë në tapetin e kuq, duke vazhduar traditën e tyre të famshme.
Rihanna tërhoqi vëmendjen me një fustan nga Maison Margiela, me siluetë skulpturore dhe detaje të zbukuruara me gurë, ndërsa A$AP Rocky u shfaq me një pallto rozë të Chanel, që shumë fansa e interpretuan si një dedikim të ëmbël për rolin e tij si baba i një vajze.
