Deputetja e Partisë Demokratike, Jorida Tabaku, gjatë fjalës së saj në Kuvend, ka komentuar protestën e qytetarëve që u zhvillua para Kryeministrisë aty ku protestuesit kërkuan ndalimin e ndërtimeve në zonën e Zvërnecit dhe dorëheqjen e kryeministrit Edi Rama.
Në fjalën e saj, Tabaku u ndal te përplasja e qytetarëve me policinë, duke e cilësuar si një akt dhune nga ana e qeverisë.
Ajo theksoi se kjo është e njëjta dhunë që demokratët e kanë përjetuar prej 12 vitesh.
“Qytetarët u përballën me dhunën e qeverisë, dhunën që demokratët e përballen prej 12 vitesh.
Nuk ndjehem mirë kur shoh që qytetarët shqiptarë përballen me këtë dhunë, por në fakt kjo shërben për të çjerrë fytyrën e kësaj propagande që ka arritur limitet sot,” u shpreh Tabaku.
