Nga vizitë studimore në “vëmendje” të Kuvendit: studentët e Juridikut nga Shkodra i ndërprenë për pak minuta fjalën Erion Braçes në Parlament.
Teksa deputeti socialist fliste nga foltorja e Kuvendit, zhurma që vinte nga llozha ku ndodheshin studentët ekselentë të Universiteti i Shkodrës Luigj Gurakuqi bëri që ai të reagojë publikisht.
“A ka mundësi që ata turistët atje të mbajnë qetësi?! Ose po të duan të dalin jashtë”, tha Braçe, ndërsa studentët po bisedonin me deputeten e PD-së Ina Zhupa dhe deputetin shkodran Kliti Hoti.
Pas reagimit të deputetit socialist, drejtuesja e seancës, Klodiana Spahiu, kërkoi qetësi në sallë për vijimin normal të punimeve parlamentare.
Studentët e degës së Juridikut ndodheshin në Kuvend në kuadër të një vizite studimore për t’u njohur nga afër me funksionimin e procesit ligjvënës dhe institucioneve demokratike në vend.
