Një situatë shqetësuese mjedisore është denoncuar në zonën e Shkëmbit të Kavajës, ku ujërat e zeza derdhen direkt në det, pranë Kavalishencës së Ushtrisë.
Sipas A2CNN, kanali që shkarkon ujërat e ndotura ndodhet ngjitur me një segment bregdetar të përcaktuar si plazh publik, duke ngritur shqetësime për ndotjen e mjedisit dhe rrezikun për shëndetin e pushuesve gjatë sezonit turistik.
Burime pranë institucioneve përkatëse kanë bërë të ditur se ndotja vjen kryesisht nga fshatrat Manskuri dhe Arapaj, të cilat ende nuk disponojnë një sistem funksional kanalizimesh.
