Një emërim i ri është bërë në administratën e Bashkisë Malësi e Madhe. Sidnei Rexhvelaj është caktuar në detyrën e Përgjegjësit të Turizmit, duke marrë një rol kyç në promovimin dhe zhvillimin e potencialeve turistike të zonës.
Më herët, Rexhvelaj ka ushtruar detyrën e fotografit dhe kameramanit në sektorin mediatik të Drejtorisë së Kulturës, Shëndetësisë, Turizmit dhe Inovacionit, ku ka kontribuar në pasqyrimin e aktiviteteve dhe promovimin e vlerave lokale.
I lindur dhe rritur në Grizhë, Sidnei Rexhvelaj vlerësohet si një i ri me formim të mirë dhe ambicie për të dhënë kontribut maksimal në çdo përgjegjësi që i besohet.
Emërimi i tij vjen në një periudhë kur Malësia e Madhe po synon të rrisë më tej promovimin e destinacioneve turistike dhe zhvillimin e sektorit të turizmit në zonë.
