Pas disa orësh përpjekjesh, është neutralizuar plotësisht zjarri që përfshiu mëngjesin e kësaj të marte një sipërfaqe të pyllëzuar në kurorën e gjelbër të Pukës.
Flakët rrezikuan të përhapeshin në zonën e gjelbër, por ndërhyrja e zjarrfikësve të Pukës, me mbështetjen edhe të banorëve të lagjes Laçaj, bëri të mundur izolimin e shpejtë të vatrës.
Pas ndërhyrjes, zjarri është shuar dhe aktualisht në zonë nuk paraqitet më rrezik për përhapjen e flakëve.
Sipas dyshimeve paraprake, zjarri mund të jetë vënë qëllimisht, ndërsa mbetet për t’u përcaktuar shkaku i saktë.
