Agron Shehaj, lideri i Partisë Mundësia, ka shprehur reagimin e tij pas intervistës së kryeministrit Edi Rama dhënë për gazetën britanike Financial Times.
Në një postim në rrjetet sociale, Shehaj theksoi: “Fundi i një kryeministri është kur i thotë ‘F*ck You’ popullit të tij.”
Këto komentet e Shehajt lidhen me një deklaratë të jashtëzakonshme të Ramës ndaj protestuesve.
“Njerëzit mendojnë se unë jam ai që udhëheq gjithçka. Unë u them atyre: ‘F*ck You’. Kaq e thjeshtë është. Nuk është detyra ime të provoj se nuk jam Kumbari, por të tjerët duhet të provojnë se unë jam,” tha Kryeministri në intervistën e tij të sotme me Financial Times.
Që prej fillimit të protestës së qytetarëve, Shehaj ka kërkuar dorëheqjen e Edi Ramës nga posti i kryeministrit. Ai u përjashtua nga Kuvendi me një vendim të mazhorancës socialiste, pas kërkesës së tij për dorëheqjen e Ramës, e shprehur nga foltorja e tij.
