Presidenti iranian Masoud Pezeshkian ka shprehur në një postim në rrjetet sociale se Irani ka ruajtur dinjitetin e tij dhe nuk ka pranuar ta tregtojë atë.
Kjo deklaratë erdhi pas nënshkrimit online të një memorandumi të mirëkuptimit midis SHBA-së dhe Iranit.
“Ky dokument reflekton zërin e një kombi që nuk e shkeli dinjitetin dhe pavarësinë e tij nën asnjë kërcënim apo presion. Ajo që u nënshkrua sot është rezultat i qëndresës kombëtare, racionalitetit politik dhe një diplomacie të përgjegjshme,” theksoi presidenti Pezeshkian.
Memorandumi, i cili ishte planifikuar të nënshkruhej të premten në Zvicër, u firmos përmes një procesi të distancuar këtë të enjte.
