Gardhi me tela me gjemba, i cili është bërë një simbol i revoltës popullore shprehur në 11 ditë protestash dhe thirrjes për revolucion, si dhe kërkesës për dorëheqjen e kryeministrit dhe qeverisë, duket se ka ndikuar edhe në zonën e Rrjollit në Velipojë.
Banorët e këtij rajoni kanë njoftuar se një protestë kombëtare do të zhvillohet ditën e shtunë, pas muajsh protestash dhe rebelimesh nga qytetarët që kërkojnë të drejtat e tyre mbi pronësinë e tokës.
Në një postim në rrjetet sociale, ata që pretendojnë pronësinë e tokës në Baks-Rrjoll shprehen se gardhi me tela me gjemba nuk kufizon vetëm një sipërfaqe të vjedhur, por prek edhe dinjitetin e tyre që është cenuar. Banorët e Baks Rrjollit kanë vendosur të zhvendosin protestën e tyre nga Velipoja drejt Tiranës, ku janë bashkuar me një tubim masiv që po zhvillohet dhe po rritet prej 10 ditësh.
