Tirana International Airport, Vodafone Albania dhe Airbus kanë prezantuar zyrtarisht implementimin e platformës së komunikimeve mission-critical të Airbus, duke e bërë TIA-n aeroportin e parë në Ballkanin Perëndimor që adopton këtë teknologji të avancuar për operacionet dhe sigurinë aeroportuale.
Zgjidhja është ndërtuar mbi infrastrukturën dhe kapacitetet e avancuara të rrjetit 5G të Vodafone Albania dhe përfaqëson një hap të rëndësishëm drejt transformimit dixhital të infrastrukturave kritike në Shqipëri. Platforma mundëson komunikim të sigurt dhe në kohë reale ndërmjet ekipeve operacionale, koordinim më efikas të proceseve aeroportuale, reagim më të shpejtë ndaj situatave emergjente dhe menaxhim më të avancuar të sigurisë.
“Sot Aeroporti Ndërkombëtar i Tiranës hedh një hap të rëndësishëm përpara me implementimin e platformës mission-critical të Airbus, të mbështetur nga lidhja e avancuar 5G e Vodafone Albania. Së bashku po ndërtojmë një infrastrukturë që garanton operacione më të sigurta, koordinim në kohë reale dhe mbështet konkurrueshmërinë afatgjatë të Shqipërisë.”
Kjo iniciativë shkon përtej një investimi teknologjik të zakonshëm. Ajo demonstron mënyrën se si partneritetet ndërmjet liderëve globalë të teknologjisë dhe institucioneve strategjike mund të përshpejtojnë modernizimin e infrastrukturës kombëtare dhe të rrisin standardet operacionale në sektorë me rëndësi jetike për ekonominë e vendit.
“Ky projekt tregon qartë se roli i Vodafone sot shkon shumë përtej telekomunikacionit tradicional. Nëpërmjet partneriteteve me liderë globalë si Airbus dhe institucione strategjike si Tirana International Airport, ne po sjellim në Shqipëri ekspertizë ndërkombëtare, teknologji të provuara dhe standarde të avancuara që mbështesin C2 General funksionimin e infrastrukturave kritike. Ambicia jonë është të jemi partneri teknologjik që ndihmon në ndërtimin e themeleve dixhitale mbi të cilat mbështetet ekonomia moderne.”
“Duke kombinuar platformën mission-critical Agnet të Airbus me lidhjen premium të Vodafone, po ofrojmë një zgjidhje të integruar dhe të nivelit më të lartë për përdoruesit tanë, e projektuar për të garantuar komunikim të besueshëm dhe performancë në mjedise operacionale kritike.”
Sistemi i implementuar në TIA bazohet në teknologjinë Push-to-Talk Mission Critical të Airbus dhe mundëson komunikim të menjëhershëm, të sigurt dhe të pandërprerë ndërmjet ekipeve të aeroportit. Platforma integrohet plotësisht me infrastrukturën ekzistuese dhe krijon bazën për zhvillime të mëtejshme në automatizim, monitorim operacional dhe menaxhim inteligjent të proceseve aeroportuale.
