Disa zona të qarkut Shkodër do të përballen me ndërprerje të përkohshme të energjisë elektrike ditën e nesërme, për shkak të punimeve të planifikuara në rrjetin e transmetimit.
Sipas Operatorit të Sistemit të Transmetimit (OST), më 9 tetor, linja 110 kV HEC Vau i Dejës–Shkodër 1 do të stakohet nga ora 08:00 deri në 16:00 për shkak të remontit.
Si pasojë, furnizimi me energji do të ndërpritet në nënstacionet e Vaut të Dejës dhe Rrencit, duke prekur edhe disa zona të qarkut.
Ndërprerja do të përfshijë Mjedën, Shelqetin, Pistullin, Paçramin, Stajkën, Bashkinë Vau i Dejës, Dushin, Gomsiqen, Hajmelin, Nënshatin, Vig-Mnelën, Kaçin, Naraçin, Rrencin, Gurin e Zi, Jubanin, Rragamin, Sheldinë, Vukatanën, Kuçin dhe Bardhajn.
OST u kërkon banorëve dhe bizneseve në këto zona të marrin masat e nevojshme për të përballuar ndërprerjen e planifikuar të energjisë.
