Ngjarja e ndodhur në Kamëz gjatë mbrëmjes së së premtes është zbardhur nga policia, e cila raporton se një i ri ka qëlluar me armë zjarri drejt një biznesi.
Siç njoftoi zyrtarisht policia, rreth orës 20:25 në Babrrusë, dyshohet se ishin dëgjuar të shtëna në drejtim të një servisi celularësh, që në atë moment ishte i mbyllur. Pasi kreu aktin, autori u largua menjëherë nga vendi i ngjarjes.
Pasi morën njoftimin, forcat e policisë kanë nisur menjëherë ndjekjen e të dyshuarit dhe rreth 3 kilometra larg vendngjarjes, ata kanë arritur ta kapin dhe të shoqërojnë shtetasin R. M., 18 vjeç, për veprime të mëtejshme procedurale.
Fatmirësisht, nuk janë raportuar të lënduar nga të shtënat.
Grupi hetimor vazhdon punën për të zbardhur të gjitha rrethanat e ngjarjes, për të identifikuar motivet dhe për të dokumentuar ligjërisht këtë rast.
