Pas përfundimit të sezonit të tretë të “Ferma VIP”, stafi dhe protagonistët e formatit u mblodhën në një mbrëmje festive për të festuar suksesin e spektaklit dhe shpalljen e fitueses, shkrimtares dhe poetes Mimoza Ahmeti.
Në aktivitet morën pjesë ish-konkurrentë, opinionistë dhe anëtarë të ekipit realizues, por ajo që tërhoqi më shumë vëmendjen ishte mungesa e dy figurave kryesore të projektit: moderatores Arbana Osmani dhe regjisorit Eduart Grishaj.
Sipas të pranishmëve, çifti nuk u pa në asnjë moment gjatë festës përmbyllëse, duke surprizuar shumë prej të ftuarve që prisnin pjesëmarrjen e tyre. Mungesa e tyre ka nxitur menjëherë komente dhe pikëpyetje në rrjetet sociale, ndërsa fansat po spekulojnë për arsyet e mospranisë.
Deri më tani, as Arbana Osmani dhe as Eduart Grishaj nuk kanë dhënë një reagim publik lidhur me mungesën e tyre në këtë event, duke lënë të hapur vend për interpretime të ndryshme.
Megjithatë, nuk dihet nëse bëhet fjalë thjesht për një mungesë të planifikuar apo për arsye të tjera personale apo profesionale.
