Situata midis protestuesve dhe forcave të rendit ka marrë një kthesë të re, teksa turma e të rinjve ka lënë qendrën e kryeqytetit dhe është zhvendosur drejt rrugëve kryesore që lidhin hyrje-daljet e Tiranës.
Protestuesit po ecin përgjatë Unazës, duke u drejtuar nga Nyja e Zogut të Zi, ndërsa shoqërohen nga forcat e Policisë së Shtetit dhe repartet e FNSH-së që i ndjekin nga afër.
Për të penguar lëvizjen e automjeteve të blinduara dhe furgonëve të policisë, të rinjtë kanë nisur të ndërtojnë barriera dhe barrikada të përkohshme duke përdorur materiale të rastit përgjatë segmentit rrugor.
