Prefektura e Shkodrës zhvilloi mbledhjen e radhës të Komisionit të Mbrojtjes Civile, me pjesëmarrjen e institucioneve përgjegjëse, për të vlerësuar situatën e zjarreve në territorin e qarkut dhe për të koordinuar masat në këtë periudhë me risk të lartë.
Sipas njoftimit të Prefekturës, gjatë takimit u analizuan situatat e konstatuara në terren, niveli i gatishmërisë së strukturave operacionale, si dhe masat për forcimin e bashkëpunimit ndërinstitucional, me synim reagimin sa më të shpejtë dhe efektiv ndaj çdo emergjence.
Në fokus të mbledhjes ishin angazhimi i plotë i kapaciteteve operacionale, monitorimi dhe paralajmërimi i hershëm, bashkëpunimi me Policinë e Shtetit për evidentimin dhe ndjekjen e rasteve të zjarrvënieve të qëllimshme, si dhe ndërgjegjësimi i qytetarëve për parandalimin e zjarreve dhe mbrojtjen e mjedisit.
Prefektura thekson se vetëm përmes koordinimit ndërinstitucional, përgjegjësisë së strukturave përkatëse dhe bashkëpunimit me qytetarët mund të mbrohen jeta, prona dhe pasuritë natyrore të Qarkut Shkodër.
