Policia ka dhënë detaje mbi aksidentin tragjik e ndodhur pak më parë në Durrës.
Sipas njoftimit zyrtar, rreth orës 14:20, në lagjen nr. 15 të qytetit, një automjet i drejtuar nga shtetasi N. R., 57 vjeç, ka përplasur tre fëmijë të mitur, të moshës rreth 10 vjeçare.
Fatkeqësisht, dy prej fëmijëve kanë humbur jetën si pasojë e plagëve të marra, ndërsa i mituri tjetër ndodhet në gjendje të rëndë shëndetësore.
Ai është transportuar drejt Tiranës për ndihmë më të specializuar.
Drejtuesi i automjetit është shoqëruar në Komisariat për veprime të mëtejshme, ndërsa grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
