Në Shkodër është përkujtuar sot 111-vjetori i vrasjes së dy figurave të shquara të historisë dhe kombit tonë, patriotëve Çerçiz Topulli dhe Muço Qulli. Për të nderuar jetën dhe veprën e tyre, Organizata e Veteranëve të Luftës Nacional-Çlirimtare organizoi homazhe pranë memorialit të tyre.
Të pranishmit vendosën kurora me lule dhe bënë homazhe në nderim të sakrificës së dy patriotëve, të cilët ranë për lirinë dhe mbrojtjen e trojeve shqiptare.
Përfaqësuesit e organizatës vlerësuan lart kontributin e këtyre patriotëve, duke theksuar se trashëgimia që ata lanë pas duhet të shërbejë si udhërrëfyes për brezat e rinj.
Çerçiz Topulli dhe Muço Qulli u vranë pabesisht në Shkodër në korrik të vitit 1915 nga forcat pushtuese malazeze, duke mbetur përjetësisht simbol i qëndresës dhe i dashurisë për atdheun.
