NIS MË NË FUND RIPARIMI I RRUGËS “MARIN BIÇIKEMI” NË SHKODËR

Kanë nisur punimet për rikonstruksionin e rrugës “Marin Biçikemi”, në Shkodër. Ky segment është dëmtuar disa herë gjatë viteve të fundit duke krijuar vështirësi të vazhdueshme për qarkullimin e automjeteve.
Nisja e ndërhyrjes është mirëpritur nga komuniteti, si një investim i nevojshëm për përmirësimin e infrastrukturës dhe lehtësimin e lëvizjes në një zonë me dendësi të lartë banimi dhe aktivitet ekonomik.
Banorët shprehen se prej kohësh kanë pritur një ndërhyrje të tillë dhe shpresojnë që punimet të realizohen me cilësi, duke garantuar që rruga të ketë qëndrueshmëri në kohë dhe të mos rikthehet në gjendjen e mëparshme.
Rikonstruksioni parashikohet të sjellë përmirësim të ndjeshëm të infrastrukturës dhe të lehtësojë jetesën e familjeve dhe bizneseve që operojnë në zonë.