Bashkia Malësi e Madhe ka nisur aksionin e pastrimit në të gjithë territorin e saj, duke angazhuar strukturat lokale në terren për mirëmbajtjen dhe sistemimin e hapësirave publike.
Aksioni ka filluar në Njësinë Administrative Kastrat, ku ekipet e bashkisë po punojnë për pastrimin e zonave publike, me synimin për të krijuar një mjedis më të pastër, më të rregullt dhe mikpritës për banorët dhe vizitorët.
Sipas njoftimit zyrtar, puna do të vijojë në të gjitha njësitë administrative të bashkisë, në kuadër të përmirësimit të kushteve mjedisore dhe rritjes së standardeve të pastrimit në të gjithë territorin e Malësisë së Madhe.
Përfaqësuesit vendorë theksojnë se ky angazhim synon jo vetëm përmirësimin e imazhit të zonës, por edhe ndërgjegjësimin e komunitetit për rëndësinë e mbajtjes pastër të ambienteve publike.
https://www.facebook.com/share/v/1KpR42v9UM/
