Një denoncim i ri ka dalë në dritë lidhur me kushtet problematike në Spitalin Universitar të Traumës në Tiranë.
Sipas një qytetari, ky institucion i rëndësishëm shëndetësor është përballur me mungesë uji për më shumë se tre orë. Situata ka ngritur shqetësime të forta për mënyrën si funksionon spitali.
Qytetari në fjalë ka publikuar një video, ku shfaqet duke provuar të hapë rubinetat në disa ambiente të spitalit dhe dëshmohet që nuk ka asnjë pikë ujë. Në pamjet e regjistruara dëgjohet teksa thotë:
“Ora 6 dhe s’ka ende ujë këtu te Trauma, te Spitali i Traumës. Spitali i Traumës nuk ka ujë! U bënë 3 orë pa ujë këtu. Pyeta një infermiere kur do vijë uji dhe ajo më tha: ‘S’e di, kur ta sjellin, i kemi lajmëruar’.”
