Ardit Çylybyli ka reaguar pas zhvillimeve të fundit në institucionet e sigurisë në vend, duke i cilësuar ato si një situatë që kërkon përgjegjësi politike.
Në reagimin e tij, ai i referohet vendimit për masën e arrestit shtëpiak ndaj kreut të SHISH-it, si dhe kontrolleve të raportuara në banesën e ish-drejtorit të Policisë.
Çylybyli shprehet se përballë këtyre zhvillimeve nuk mjafton heshtja nga ana e politikës dhe kërkon që institucionet përgjegjëse të japin shpjegime.
Në vijim të reagimit, ai kritikon edhe qeverinë, duke e lidhur situatën me atë që e quan “Prania Besnike”, ndërsa akuzon pushtetin për përqendrim te fasada dhe jo te problemet e institucioneve.
“Kur preken majat e institucioneve të sigurisë, nuk mjafton heshtja. Duhet përgjegjësi politike”, shprehet Çylybyli.
Ai e mbyll reagimin me një kritikë të fortë ndaj qeverisjes, duke pretenduar se institucionet po dobësohen ndërsa pushteti vijon aktivitetin e tij politik.
