Aktivisti Mirsad Bashka ka reaguar me tone kritike ndaj kryebashkiakut të Shkodrës, Benet Beci, duke e akuzuar për mungesë vizioni dhe drejtim të dobët të qytetit.
Në një status të publikuar në rrjetet sociale, Bashka ironizon daljet e fundit të Becit në terren, duke thënë se ato po bëhen vetëm për imazh publik pas tre vitesh në drejtimin e Bashkisë.
Sipas tij, kryebashkiaku po reagon vetëm pasi lexon komente në Facebook dhe më pas del në terren “si hero”, sikur po zgjidh problemet e qytetit në moment.
“Nuk drejtohet qyteti tu lexu komente në Facebook në vend që me ba plane strategjike për zhvillimin e qytetit”, shkruan Bashka në reagimin e tij.
Në fund të reagimit, aktivisti shton se kryetari i Bashkisë duhet të marrë pjesë më shumë në mbledhjet e Këshillit Bashkiak dhe “të drejtojë Bashkinë, jo Facebook-un”.
Postimi i plotë:
“Kryetari i Bashkise ka fillu me dal ne terren mbas 3 vitesh drejtim, tu inspektu pune demek e tu mendu se po fiton dicka prej imazhit publik. Lexon 2-3 komente ne rrjete sociale ku dikush kerkon ndaj gja, e mandej del si hero sikur e zgjidhi problemin aty. 🤣
Nuk drejtohet qyteti tu lexu komente ne Facebook ne vend qe me ba plane strategjike per zhvillimin e qytetit.
Nje gja asht e sigurte.. kryetari i ardhshem i Bashkise ka me pas shume pune me ba prej neglizhimit qe po i bajne qytetit drejtuesit e Bashkise, Ermira Teliti dhe Benet Beci.
Kryetari i Bashkise sa del ne rruge live, te fillojne me shku ne mbledhje te Keshillit Bashkiak, sepse asht votu per me drejtu Bashkine e jo Facebook-un !”
