Përgjegjësi i Shërbimit Veterinar në Shkodër, Mark Preçi, ka folur sot për mediat lidhur me rastet e shfaqjes së murtajës tek bagëtitë e imta.
Sipas tij, kjo është një sëmundje shumë e rrezikshme dhe me përhapje të shpejtë, ndërsa ngordhshmëria mund të arrijë deri në 100% të krerëve të infektuar.
Preçi bëri të ditur se, me urdhër të Ministrisë së Bujqësisë, tregu i kafshëve të imta është mbyllur përkohësisht dhe është ndaluar shitja e tyre, si masë për të parandaluar përhapjen e mëtejshme të sëmundjes.
Aktualisht janë identifikuar dy ferma në zonën e Malit të Gjymtit, me rreth 110 krerë bagëti, të cilat pritet të asgjësohen gjatë ditës së sotme nga shërbimi veterinar.
