Situata me zjarret në Levan të Fierit mbetet shumë e rënduar. Flakët kanë përfshirë një sipërfaqe të gjerë toke dhe përhapja e tyre po ndikohet ndjeshëm nga era e fuqishme.
Forca zjarrfikëse janë të pranishme në terren, ndërkohë që banorët përjetojnë frikë dhe janë të alarmuar. Edhe forcat e policisë ndodhen në vendngjarje.
Pylli i Levanit është kapluar nga flakët, duke mbuluar të gjithë zonën me re të dendur tymi. Zjarri ka shkrumbuar zona të tëra me ullinj dhe, siç tregojnë pamjet, i është afruar rrezikshëm banesave.