Një tubacion i ujit të pijshëm është çarë në Rrugën “Vangjel Noti”, në Laprakë, duke shkaktuar përmbytje në disa banesa dhe biznese të zonës.
Sipas denoncimit të banorëve, situata ka nisur rreth 1 orë më parë, ndërsa deri në momentin e raportimit nuk ka pasur ndërhyrje nga Ujësjellës Kanalizimet.
Banorët shprehen të revoltuar dhe hedhin dyshime se dëmtimi i tubacionit mund të lidhet me punimet e kryera në zonën e Unazës së Madhe, duke kërkuar ndërhyrje të menjëhershme për ndalimin e rrjedhjes dhe shmangien e dëmeve të mëtejshme.
