Pasditen e sotme, një zjarr ka përfshirë zonën pyjore të njësisë administrative Malzi, në territorin e bashkisë Kukës.
Vatra është shfaqur vetëm disa kilometra larg Tunelit të Kalimashit. Në drejtim të saj janë mobilizuar forcat zjarrfikëse, ekipet e Agjencisë së Mbrojtjes Civile si dhe banorë të komunitetit lokal.
Zjarri po përhapet me shpejtësi për shkak të kushteve të motit, ku temperaturat e larta dhe era e fuqishme e bëjnë më të vështirë menaxhimin. Zona ku ka rënë zjarri karakterizohet nga vegetacion i dendur dhe shkurre të shumta.
