Para pak minutash, një aksident rrugor ndodhi në fshatin Kosmaç me përplasjen e dy automjeteve. Njëra nga to doli nga rruga dhe ra në kanalin anësor.
Siç raportohen informacionet e para, drejtuesit e të dy mjeteve janë dërguar në Spitalin Rajonal të Shkodrës për të marrë ndihmën e nevojshme mjekësore. Sipas burimeve, ata ndodhen jashtë rrezikut për jetën.
Policia ka mbërritur në vendin e ngjarjes dhe po kryen veprimet e nevojshme procedurale për të hetuar shkaqet dhe rrethanat që çuan në këtë aksident.
