Pas tensioneve që shoqëruan protestën e sotme para Parlamentit, aktivisti Arben Kola shprehu shqetësimin e tij duke e akuzuar Policinë e Shtetit për provokim ndaj qytetarëve, duke theksuar se efektivët “marrin urdhra nga Ulsi Manja dhe Taulant Balla”.
Gjatë fjalimit të tij para pjesëmarrësve, Kola u bëri thirrje qytetarëve të ruajnë qetësinë dhe të mos bien pre e provokimeve, duke theksuar se protesta do të vazhdojë në mënyrë paqësore.
“Policia që merr urdhër nga Ulsi Manja, Taulant Balla e të tjerë, kjo polici tregon se tani ndodhet para një dileme: t’i shërbejë mafies apo popullit. Policia është e popullit dhe jo e mafies, prandaj duhet të jeni të vëmendshëm dhe të mos bini pre e provokimeve.
Duhet të ruani qetësinë. Ne do ta rrëzojmë me një revolucion paqësor sezbën Edi Ramën. Prandaj kini durim, se ajo çfarë e vret këtë sistem dhe politikë të kalbur është prania e fëmijëve dhe grave, njerëzve si Flamuri dhe atij zotërisë që u nxor zvarrë sot, Altin Hila, që vjen çdo ditë nga Durrësi me një fëmijë të sëmurë.
Një duartrokitje për të gjithë protestuesit që janë arrestuar sot. Janë provokuar nga bandat mafioze brenda Policisë së Shtetit,” tha ai.
