Anëtari i Partisë Demokratike, Kliti Hoti, ka reaguar pas zhvillimit të Kuvendit të Ripërtëritjes së Partisë Demokratike, duke e cilësuar atë si një dëshmi se kjo forcë politike mbetet alternativa e vetme përballë qeverisjes aktuale.
Përmes një statusi në rrjetet sociale, Hoti shprehet se vendimet e marra në kuvend, vizioni i paraqitur nga Sali Berisha dhe pjesëmarrja e demokratëve nga e gjithë Shqipëria tregojnë se beteja për ndryshim vazhdon me vendosmëri.
Sipas tij, Partia Demokratike zgjedh të vërtetën përballë propagandës, ndershmërinë përballë korrupsionit dhe lirinë e demokracinë përballë asaj që ai e cilëson si kapje të shtetit.
Në reagimin e tij, Hoti shpreh bindjen se koha e ndryshimit po afron dhe se Shqipëria meriton një qeveri që punon për qytetarët. Ai e mbyll mesazhin me thirrjen për bashkim të demokratëve në funksion të realizimit të këtij objektivi politik.
