Kalaja e Rozafës vijon të mbetet një nga atraksionet më të frekuentuara të turizmit kulturor në Shqipëri. Drejtoria Rajonale e Trashëgimisë Kulturore (DRTK) Shkodër bën me dije se monumenti ka kaluar tashmë shifrën e 100 mijë vizitorëve që nga fillimi i këtij viti.
Sipas DRTK Shkodër, ky interes i lartë e konfirmon Kalanë e Rozafës si një nga pasuritë kulturore më të vizituara në vend, duke tërhequr turistë vendas dhe të huaj.
Reagimi i plotë
Kalaja Rozafa ka kaluar tashmë shifrën e 100.000 vizitorëve për këtë vit, duke u konfirmuar si një nga pasuritë kulturore më të vizituara në Shqipëri.
Faleminderit të gjithë vizitorëve që zgjedhin të njohin Kalanë tonë dhe të njihen me trashëgiminë kulturore aq të pasur të Shqipërisë.
Ju mirëpresim të vazhdoni ta përjetonin historinë dhe bukuritë natyrore gjatë gjithë sezonit veror e jo vetëm.
