Ishulli i Shurdhahut, një prej dëshmive më të rëndësishme të trashëgimisë mesjetare në veri të Shqipërisë, po i nënshtrohet këtyre ditëve një ndërhyrjeje të gjerë pastrimi.
Në këtë ishull ruhen rrënojat e qytetit mesjetar të Sardës, një sit me rëndësi të veçantë historike dhe arkeologjike. DRTK Shkodër ka nisur prej disa ditësh një aksion masiv për pastrimin e strukturave të mbetura, vijës së mureve rrethuese, si dhe shtigjeve kryesore që përshkojnë sitin.
Ndërhyrja synon të përmirësojë gjendjen dhe aksesueshmërinë e zonës, duke bërë më të dukshme strukturat historike dhe duke krijuar kushte më të përshtatshme për vizitorët.
